Single
ئولورم گل آغلا بیر آز منه
#Titleschedule
ئولورم گل آغلا بیر آز منه by مهدی رسولی on Rawda.
Artist: مهدی رسولی
Language: fr
Plays: 63574
Single
Explore this track
ئولورم گل آغلا بیر آز منه
سنه من چوخ آغلامیشام حسین
آنامین او قانلی امانتین
سینم اوسته ساخلامیشام حسین
داریخوب بو آخر عمریده
اؤرگیم آنام جانی شامیده
الیم آشنالره چاتمادی
منی یاد ائدن هانی شامیده
باجیوین سینوب باشی کوفه ده
یارامین آخوب قانی شامیده
آنام اوغلی عشق و محبتون
هله جان و خون و رگیمده دی
بیلن اولسا قرمزی خطیلن
یازیلوب آدون اورگیمده دی
منی چوخ دوگوبله سنه گوره
یئری قمچینین بیلگیمده دی
نه بیلور فلک بو الیمله من
نچه یاره باغلامیشام حسین
دئمورم سنه قوشولوب گله
ایکی نازدانه بالام گرک
اولاری گتورمه که گلسه لَر
باشیمی اشاقه سالام گرک
سنه عاشقم من ئولنده ده
بالا حسرتینده قالام گرک
که یر آچماز آیری محبّته
بو اورک که داغلامیشام حسین
نچه یول ئولوب دیریلم اگر
اورگیم نشان اولا داغلارا
آلیشوب یانام کولومی فلک
سؤورا سپه اوجا داغلارا
گنه آرزو ائدرم دَیه
دوداقیم او قانلی دوداغلارا
بو هوسله شامه کیمی گزوب
یریوی سراغلامیشام حسین
بو خمیده قد باجیوین گرک
هدفی جوانلارا درس اولا
بو رویه مکتب عشقیده
هامی قهرمانلارا درس اولا
گِده کربلاده کی گلشنی
گوره باغبانلارا درس اولا
نه خزانه گللری وئرمیشم
نه باغون ایاخلامیشام حسین
من او زینبم که بو شهریده
علم قیامی اوجاتمیشام
یوخودان بو خلقی اویاتماقا
گجه لر خرابه ده یاتمیشام
باشیم اهل شامه اگلمیوب
دانیشوب حماسه یاراتمیشام
یتش ایندی دادیمه هاردا گور
دیزیمی قوجاخلامیشام حسین
Transcribed automatically; some words may be inaccurate.
Hear the full recitation in the free, ad-free Rawda app.
